巨人出走@首爾: 2012.06.05 DAY 1 零實感地抵達首爾

在EKMS 4小姐強勁念力之下，這天不用晴天娃娃也天朗氣清，Good! 搭國泰9:30am既機2:05pm到仁川機場(S按：大家請記得有1小時時差，不是真的飛5個鐘)

完美天書！

到埗後第一件事就是換錢！M與S十分smart地做了韓國觀光公社的會員，因此print了國民銀行的coupon，在機場仍兌到147的rate，算好了。(小發現：銀行小姐不會看coupon上的id和no.，非會員也可以重用試試) EKMS 4人各自換了HKD3000，每人放了HKD1500在一個大筆袋做集體消費錢，吃飯觀光門票甚麼的都在這裡拿，不用次次計錢，方便到冇朋友。

換完錢當然立即去租個wifi egg~~上fb宣揚自己佔領首爾~~方便隨時隨地上網，順帶一提，首爾wifi沒錯是很多但不是要買ID登入就是不能上網(因為電信公司不同)，能用的較少，也不太穩定。本次租的是S roaming的pocket wifi(櫃檯在大堂的最右方閘口13-14中間)，需要預繳租賃費和以信用卡付保證金，建議大家先網上reserve。wifi egg吃飽電可以瘋狂上網8-9小時，像E小姐整天follow仁顯王后消息看得爽歪歪。

搞完一輪就在便利店買Seoul Citypass Plus及增值一萬won(用英文講 four citypass plus and add value ten thousand 便可以了)，不建議買單程車票，較貴而且搭普通地鐵要另外買卡。今次4君差點搭了貴一貴的直通車，普通車記得在左手邊搭，車費只需3750won。不肯定的可以留意人流，人多果邊係平D果邊。

此行我們住在弘大的BLU: Home Guest House。坐了大約1小時的機鐵不用轉車直達弘大，真是超方便呀!!!

Reception

***小爆料：其實本來我們是想住南山guest house的，不過住過這裡我們完全不後悔，下次應該一樣會選這裡住。想知詳情就去民宿篇看吧^^

回正題，民宿雖然是在弘大，但其實出了地鐵要走一段幾遠的路程(順帶一提韓國一個地鐵站面積是香港10倍)，而且那該死的1號出口得樓梯行，shit。拖住個大行李箱爬樓梯再行咁多路，巨人們已經斷手斷腳了，點知民宿仲要行樓梯上去，S小姐成功做了一個月的運動量，好勁抽。

係guest house休息發呆完畢後，我地向新村出發!!!!!!行左一陣得M有消費，買左頂8000won既草帽，之後就行去食4500燒肉lu~其實佢一份都係150g，不過menu全韓文，識madarin既店小二又唔係好願意translate，最後只係食左spicy同唔spicy既豬肉加一個set，埋單23000won。(提示：最好唔好叫set，唔係好抵，仲比個小二暗笑-^-) 第一次食的，可以觀察下周圍的韓國人點食，不然會出醜 [4小姐即時掩臉]{M君爆料:E&K君燒配菜洋蔥食kekeke...}[[ K 君 : 洋蔥係好食的，但係D辣椒真係好辣，唔係 HK 人的茶]]。BTW 4500燒肉旁邊有座西橋教堂，幾靚。

西橋教堂

4500燒肉

食完野就出發去首爾站Lotte Mart。個度好易搵，一出1號出口搭扶手電梯到最上右手邊就是。Lotte Mart前面係首爾舊車站，夜晚開燈好靚。係Lotte Mart見到好多香港人，週圍都係廣東話，完全唔覺係韓國- - 我地都唔係買左好多野，多數都係手信，只係買左梳蕉通便同一支白色既米酒返guest house飲，望住個個遊客一大箱一大箱咁搬野走個一刻真係覺得咩住一個環保袋既我們無比冷靜理智。